Shorter days, Longer nights...RENT

Ganyan na dito ngayon, mahabang gabi, maiksing araw. Ang effect tuloy mabilis ang paglipas ng mga oras. Nung isang araw ay lunes pa lang tapos ngayon huwebes na, pero parang yung lunes ay kahapon lang. Liban sa mabilis na nga ang mga araw, may mga oras pa na malamig ang hangin na syang umiihip sa mukha mo. Imagine at 4:30pm sunset na. Tapos gigising ka ng 8am kinabukasan medyo makulimlim pa ang paligid. Nakakadepress. Ngayon isipin nyo pa na HIV+ ako, abah talaga namang parang pinagsukluban na ng mundo ang araw ko. Minsan paggising ko, naiisip ko na napapalapit ng napapalapit ang mga nalalabing araw ko dito sa mundo. Minsan, inaasam-asam ko pa rin na sana wala itong virus sa katawan ko. Tanggap ko na naman pero nandun pa rin ang sana ay.....

Patuloy pa rin ang pag-ikot ng aking gulong. Tingin ko nasa baba ako ngayon ng gulong ko. Pero sigurado akong di maglalaon ay aakyat ulit ako sa taas ng gulong. Di naman lahat ng HIV+ ay gumuho na ang mga pangarap nila. Ako kahit HIV+ ako ipagpapatuloy ko pa rin ang pag-asam ng aking mga pangarap, ang maginhawang buhay.

Sa mga kapwa kong HIV+ dyan, tuloy ang pag-ikot ng buhay natin, gawin natin ang lahat para kahit sa sandaling ilalagi natin dito sa mundo, maginhawa ang ating buhay.

RENT, eto ang inspiration ko ngayon.